Kultuvrralaš skuvlalávka (KS) lea nationála ordnet mii fuolaha vai buot Norgga skuvlaoahppit besset vásihit ámmátlaš dáidda ja kultuvra skuvllas. Ortnega bokte ožžot oahppit vejolašvuođa vásihit, dovddiit ja ovdánahttit áddejumi buot dáidda- ja kulturovdanbuktimiin. Kulturfálaldagas galgá leat alla kvalitehta ja čájehit govdaga daid guhtta kulturovdanbuktimin nu go filbma, kulturárbi, girjjálašvuohta, musihkka, lávdedáidda ja visuála dáidda.
Ovtta skuvlajagi sáddet mii 200-300 ámmátlaš dáiddáriid Romssa ja Finnmárkku luottaide main lea oktiibuot eanet go 100 iešguđet buvttadeami – mii dahká ge 2000 ovttaskasdáhpáhusa!
Buot Romssa ja Finnmárkku skuvllat, smávva ja stuorra, ožžot dáiddadeaivvadeami iežaset skuvlii. Su. 16 000 vuođđoskuvlla oahppi ja joatkkaskuvlla 9000 oahppi ožžot fálaldaga Romssa ja Finnmárkku kultuvrralaš skuvlalávkkas juohke skuvlajagi *, ja gaskamearralaččat oažžu juohke goalmmát -njealját oahppi KS- galledeami juohke skuvlajagi. Gielddat/suohkanat, skuvllat ja oahppit oassálastet maiddái prográmmaválljemii.
*Áltá ja Romsa leat njuolgagielddat ja doaimmahit skuvlalávkka ieža.
