Girje- ja kulturbusse gaskkusta dáro ja sámi girjjálašvuođa, musihkka, visuála dáidda ja kulturárbbi. Girjebusses beasat geavahit iešguđet mediai, ja maiddái cavgilemiid ja bagadusaid girjjálašvuođa ektui. Leat eanemusat dárogillii, muhto fitnet maiddái girjjálašvuođa eará gillii. Mis lea lagas ovttasbargu Várdobáiki sámi guovddážin gaskkustit sámi giela ja kultuvrra.
Ulbmiljoavku lea ovddemuččat mánát ja nuorat, muhto fálaldat lea buohkaide!
Min mihttomearri lea leat buorre deavdda skuvlagirjerádjosiidda ja oppalaš girjerájusfálaldahkii doaresbealbáikkiide. Ruvttovuodjin lea heivehuvvon skuvlaruvttui, gitta bassebeivviid.
Lea fásta fálaldat gielddaide; Rivtták, Hárstták, Ivvárstádik, Giehtavuotna ja Dielddanuorri ovttasbargat báikkálaš álbmotgirjerádjosiin. Lea maiddái ovttasbargu eará báikkálaš ja regionálalaš organisašuvnnaiguin, institušuvnnaiguin, festiválaiguin ja áigeguovdilis doaluiguin. Buot gielddat árvvoštallojuvvojit maŋŋel doaluid.
Girje- ja kulturbusse álggahuvvui 2002:is ja Romssa ja Finnmárkku eaiggáda ja doaimmaha. Organisatoralaččat leat mii Davvi Lávddi vuolde, muhto fágalaččat gullat mii Romssa ja Finnmárkku fylkkagirjerádjosii.
Oktavuohta
Anne Gerd Lehn
Girje- ja kulturbusse jođiheaddji
kulturbussen@scenenord.no
Tel.: 77 78 86 62
